कोलोराडो । अमेरिकाको कोलोराडो राज्यमा एक घरमा अन्धाधुन्ध गोली चल्दा कम्तिमा सात जनाको मृत्यु भएको छ । त्यहाको क्यान्टरबरी मोबाइल होम पार्कस्थित घरमा जन्मोत्सव पार्टी चलिरहँदा गोली चलेको अमेरिकी संचारमाध्यमले जनाएका छन् । घटना आइतबार बिहान भएको हो ।
बन्दुकधारीले अन्धाधुन्ध गोली हानीर ६ जनाको हत्या गरेसँगै आफुलाई गोली हानेको प्रहरीले जनाएको छ । प्रहरीले बन्धुकधारी र पीडितको नाम भने सार्वजनिक गरेको छैन । बन्धुकधारी बर्थडे पार्टीमा सहभागी एक जना युवतीका प्रेमी रहेको समाचारहरुले खुलाएका छन् । पार्टीमा रहेका सबै बच्चा भने सुरक्षित रहेको प्रहरीको भनाई छ ।
अनुसन्धान अगाडी बढेका कारण थप विवरण आउने समाचार एजेन्सीहरुले लेखेका छन् । अमेरिकामा शनिबार मात्र मेरिल्याण्डको बाल्टिमोरमा भएको आगजनी र गोलीकाण्डमा एक नेपालीसहित ४ जनाको ज्यान गएको थियो । अमेरिकामा बन्दुककै कारण हरेक वर्ष हजारौं मानिसले अकालमा ज्यान गुमाउने गर्छन् ।