काठमाडौं । नेपालका चार जिल्लाबाहेक निषेधाज्ञा देशभर लागु भएको छ । कोभिड–१९ सङ्क्रमण नियन्त्रण गर्न काठमाडौं उपत्यकासहित देशभरका ७३ जिल्लामा निषेधाज्ञा कार्यान्वयनमा रहेको छ । गृह मन्त्रालयका अनुसार अहिले मनाङ, मुस्ताङ, तेह्रथुम र खोटाङमा निषेधाज्ञा घोषणा भएको छैन । नेपालमा कोरोना भाइरसको दोस्रो लहरसँगै ७ वैशाखबाट निषेधाज्ञा शुरु भएको हो ।
उपत्यकामा १६ वैशाखमा शुरु भएको हो । निषेधाज्ञा घोषणा भएका जिल्लामा समेत कडाई भने गरिएको छ । अत्यावश्यक बाहेकका सेवा रोकिएका छन् । सरकारले जिल्लाको अवस्था हेरि निर्णय लिन सक्ने अधिकार प्रमुख जिल्ला अधिकारीलाई दिएको छ । कोरोनाबाट नेपालका ४४ भन्दा बढी जिल्ला रेड जोनमा परिसकेका छन् ।