नेपालमा कोरोनाबाट थप १८७ को मृत्यु, मृत्युदर भने घट्दै

काठमाडौं । नेपालमा कोरोना भाइरसका कारण मानवीय क्षतिको उच्च दरमा केही कमी देखिएको छ । शनिबार सार्वजनिक पछिल्लो २४ घण्टायताको तथ्यांक अनुसार देशभर कोरोना भाइरस संक्रमणबाट १८७ जनाको ज्यान गएको छ । स्वास्थ्य तथा जनसंख्या मन्त्रालयका अनुसार अब देशभर मृत्यु हुनेको संख्या ४८५६ जना पुगेको छ । नेपालमा कुल संक्रमित मध्ये १.०८४ प्रतिशतको ज्यान गएको देखिएको छ । नेपालमा पछिल्लो दिनमा संक्रमित बढेसँगै मृत्युदर समेत बढेको हो ।