काठमाडौं । नेपालमा आजबाट चीनले अनुदानमा दिएको कोरोना विरुद्धको खोपको दोस्रो डोज वितरण शुरु हुँदैछ । १० बजेबाट चार बजेसम्म संचालन हुने खोप अभियानमा यस अघि पहिलो खोप लगाएका व्यक्तिले आफ्नो खोप कार्डसहित तोकिएको केन्द्रमा उपस्थित हुनुपर्नेछ । यसअघि वैशाखमा सरकारले चिनियाँ खोप वितरण गरेको थियो ।
त्यो खोपको दोस्रो डोज समेत स्टक राखिएका कारण अहिले दोस्रो डोज लगाउन सम्भव भएको हो । यसअघि भारतबाट ल्याएको खोप लगाएका ६५ वर्ष भन्दा माथिका वृद्धवृद्धाका लागि भने सरकारले दोस्रो डोज अझै उपलब्ध गराउन सकेको छैन । भारतबाट खरीद गरेको थप १० लाख डोज खोप भारतीय कम्पनीले दिन नसकेपछि वृद्धवृद्धाको दोस्रो डोज प्रभावित बनेको हो ।
