काठमाडौं । एमाले नेता तथा सांसद योगेश भट्टराई अब ओली पक्षमा लागेका छन् । नेपाल समुहबाट सक्रिय उनले शुक्रबार शेरबहादुर देउवालाई प्रधानमन्त्रीमा प्रस्ताव गर्ने पक्षमा हस्ताक्षर गरेनन् । यससँगै उनी अब अध्यक्ष ओली पक्षको खेमामा उभिएका छन् । यद्दपी उनले यो कदमलाई एमालेको एकता बचाउन गरेको दावि गरेका छन् । उनी नेकपामा शुरु भएको विवादबाटै माधव नेपाल पक्षमा दरिलो गरि उभिएका नेता हुन् ।
प्रधानमन्त्री केपी शर्मा ओलीले पुस ५ गते प्रतिनिधि सभा विघटन गरेपछि सो कदमको विरोधमा उनले मन्त्री पदबाटै राजीनामा गरेका थिए । उनले भनेका छन्, ‘मेरो राजनीतिक जीवन कै सबैभन्दा कठिन दिन आज । नेकपा एमालेको एकतालाई जोगाउन सकिन्छ कि भन्ने आशाले मैले आजको निर्णय लिएको हुँ । सही गरेकी, गलत गरेँ इतिहासको कठोर मूल्याङ्कनमा खडा छु।