काठमाडौं । नेपाली कांग्रेसले सरकारको सिफारिसमा राष्ट्रपतिले चालेको कदमको प्रतिवाद गर्ने निर्ण गरेको छ । कांग्रेस पदाधिकारी र पूर्वपदाधिकारीको बैठकले प्रतिनिधिसभा विघटन गर्ने राष्ट्रपति विद्यादेवी भण्डारी र प्रधानमन्त्री केपी शर्मा ओलीको कदमविरुद्ध राजनीतिक र कानुनी लडाइँ लड्ने निर्णय गरेको हो ।
आज सभापति शेरबहादुर देउवाको निवास बूढानीलकण्ठमा बसेको कांग्रेस पदाधिकारी र पूर्वपदाधिकारीको बैठकले प्रतिनिधिसभा विघटन गरेर राष्ट्रपति भण्डारी र प्रधानमन्त्री ओलीले लोकतन्त्रविरुद्ध षडयन्त्र गरेको निष्कर्ष निकालेको हो ।
नेताहरुका अनुसार लोकतन्त्रको रक्षाको लागि नेपाली कांग्रेसले राजनीतिक र कानुनी लडाइँ लड्ने निर्णय गरेको हो । यसका लागि विक्षी दलहरुसँग समेत कांग्रेसले सहकार्य गर्ने भएको छ । प्रतिनिधिसभा विघटनको विरोधमा उत्रिन नागरिक समाजलाई समेत आह्वान गरिने भएको छ ।