काठमाडौं । अमेरिकी सरकारको तर्फबाट नेपाललाई प्रदान गरेको स्वास्थ्य सामग्रीको पहिलो खेप नेपाल आएको छ । आज एक कार्गो जहाजले ती सामान नेपाल ल्याएको हो । परराष्ट्र मन्त्रालयका अनुसार नेपालको कोभिड१९ महामारीविरुद्ध अमेरिकाले उपलब्ध गराएको स्वास्थ्य सहायताको पहिलो खेपका सामान नेपाल आएको हो ।
त्रिभुवन अन्तर्राष्ट्रिय विमानस्थलमा अमेरिकी सहयोग नियोग युएसएड र अमेरिकी दूतावासका प्रतिनिधिले स्वास्थ्य मन्त्रालयका प्रवक्ता जागेश्वर गौतमलाई सामग्री हस्तान्तरण गरेका छन् । आज सर्जिकल मास्क, फेस सिल्ड र ग्लोब्स संलग्नलगायत सामान नेपाल आएका छन् ।
अमेरिकाबाट १०० थान भेन्टिलेटर, परीक्षण किट्स, पीपीई, अक्सिजन उपकरण समेत आइसकेका छन् । अब अमेरिकाबाट आइतबार १००० थान अक्सिजन सिलिन्डर आउने छन् । थप दुई जहाजले नेपालमा मेडिकल सामान ल्याउन लागेको जानकारी मन्त्रालयले गराएको छ ।