उडिसा । चक्रवाती तूफ़ान ताउ ते भारतमा अघिल्लो साता व्यापक मानवीय तथा भौतिक क्षति गर्यो । अहिले तुफान केही थामिएको छ । उद्धार र राहतको काम जारी छ । यसैबीच त्यहाँको मौसम विभागले अर्को आँधी साइक्लोन एसको चेतावनी जारी गरेको छ । भारतीय मौसम विभागका अनुसार बंगालको खाड़ीबाट उठ्ने चक्रवाती यो तूफ़ानले उडिसा र पश्चिम बंगालको तटिय क्षेत्रमा बढी क्षति पुर्याउने भएको हो ।
यो चेतावनीपछि केन्द्र सरकारले हाइ एलर्ट जारी गरेको छ । आज प्रधानमंत्री नरेन्द्र मोदीले यस सम्बन्धमा बैठक समेत राखेका छन् । मौसम विभागका अनुसार २६ मेमा चक्रवात पश्चिम बंगाल तथा उडिसाको तटिय क्षेत्रका प्रतिघण्टा ९० देखि १ सय किलोमिटर प्रतिघण्टाको बेगमा आउने छ । यसले जमिनमा ठूलो वर्षा समेत गराउने छ । तुफानको चेतावनीसँगै समुन्द्री किनारमा नजान र समुन्द्रमा गरिन सबै क्रियाकलाप नगर्न समेत सचेत गराइएको छ ।