रोम । इटलीमा यात्रुसवार केवलकार दुर्घटनामा पर्दा कम्तिमा १४ जनाको मृत्यु भएको छ । अन्तर्राष्ट्रिय संचारमाध्यमहरुका अनुसार इटलीको माजीओरी तालनजिकै केबलकार खसेको हो । १४ जनाको मृत्यु भएको पुष्टी भएको छ । दुर्घटनामा ज्यान गुमाउनेमा एक जना बालक छन् । अर्का एक बालक गम्भीर घाइते रहेको बताइएको छ ।
स्ट्रेजा सहरबाट मोटारोने पर्वततर्फ जाँदै गर्दा केवलकार दुर्घटनामा परेको हो । ज्यान गुमाउनेमा पाँच जना इजरायली नागरिक छन् । दुर्घटनाको कारण खुलेको छैन । यसबारे अनुसन्धान थालिएको अधिकारीहरुले जनाएका छन । दुर्घटनापछि केवलकारको सेवा रोकिएको छ ।