वासिंटन । अमेरिकाको मिनीपोलिसमा अश्वेत युवा जर्ज फ्लोइडको प्रहरीबाट भएको हत्याको हत्याको वर्ष दिन पुरा भएको छ । गत वर्ष आजकै दिन भएको यो घटनामा संलग्न प्रहरी अधिकृत दोषि सावित भइसकेका छन् । आज अमेरिकामा उनको परिवार, सामाजिक कार्यक्रता र नेताहरुले र्यालीसहितका विभिन्न कार्यक्रम गरि नउको सम्झना गर्दैछन् । यो दिनलाई असमानता र नश्लभेद विरुद्धको आन्दोलनका रुपमा समेत लिइएको छ ।
फ्लोइडको ज्यान गएसँगै विश्वभरबाट अमेरिकाको कडा आलोचना भएको थियो । प्रहरी अधिकृत डेरेक चाओविनले फ्लोइडको घाँटीमा करीव ९ मिनेट आफ्नो घुँडाले थिचेका थिए । जसको असरले उनको मृत्यु भएको हो ।
यसैबीच, आज ह्वाइट हाउसमा राष्ट्रपति जो बाइडेनले फ्लोइडका परिवारसँग भेट्दैछन् । ह्वाइट हाउसकी प्रेस सेक्रेटरी जेन साकीका अनुसार यहाँ मिडियालाई भने इन्ट्री छैन । भेटमा फ्लाइडकी छोरी जियाना, उनकी आमा राक्सी वाशिंगटन, बहिनी, भाई तथा भतिजाहरु सहभागी हुने भएका छन् ।