वासिङ्टन डिसी
डिसी महानगर क्षेत्रमा सामाजिक कार्य गर्दै आएको नेपाली अमेरिकन सामुदायिक केन्द्र (न्याक)को अध्यक्ष पदमा मदन उप्रेती निर्वाचित भएका छन् । साथै एघार सदस्यीय समिति सर्वसम्मत गठन भएको छ भने ११ सदस्यीय बोर्ड अफ ट्रस्टी समेत गठन भएको छ । ट्रस्टी सभापतिमा अरुण रुपाखेती निर्वाचित भएका छन् ।
जुन ७ -८ तारिखका दिन मतदानको मितितय गरिए पनि अन्तिम अवस्थामा अध्यक्ष सहित सम्पूर्ण पद सर्वसम्मत चुनिएको थियो ।
निर्वाचन समितिका प्रमुख डा श्याम कार्कीले सबै पदमा सर्वसम्मति भएकोमा खुसी व्यक्त गर्दै समितिलाई धन्यवाद दिनुका साथै निर्वाचित सबैलाई बधाई तथा शुभकामना दिएका छन् ।
न्याकले सन् २०१९ मा श्रीमद् भागवत पुराण आयोजना गरी कार्यक्रम मार्फत २० लाख डलर सङ्कलन गरेको थियो भने अर्को बर्ष सामुदायिक भवन खरिद गरेको थियो ।