काठमाडौं । कर्णालीमा फ्लोर क्रस गरेका चार जना सांसदको पद बचेको छ । सर्वोच्च अदालतले कर्णालीका चार प्रदेशसभा सदस्यलाई पुनर्बहाली गर्न आदेश दिएको छ ।
न्यायाधीश प्रकाशमान सिंह राउतको एकल इजलासले चार प्रदेशसभा सदस्य प्रकाश ज्वाला, नन्दसिंह बुढा, अमरबहादुर थापा र कुर्मराज शाहीलाई निष्कासन गर्ने एमाले केन्द्रीय कमिटीको निर्णय र त्यसका आधारमा प्रदेशसभा सचिवालयले गरेको निर्णय कार्यान्वयन नगर्न अन्तरिम आदेश दिएसँगै उनीहरुको पद समेत बचेको हो ।
कर्णालीका मूख्यमन्त्री महेन्द्रबहादुर शाहीको सत्ता जोगाउन उनलाई मत दिएका चार जना सांसदलाई एमालेले कारवाही गरेको थियो । उनीहरु एमालेमा माधव नेपाल पक्षका सांसद हुन् ।