काठमाडौं । नेपालमा अब कोरोनाको उपचार सरकारी अस्पतालमा मात्र हुने भएको छ । कोरोना संक्रमण कम भएको भन्दै स्वास्थ्य तथा जनसङ्ख्या मन्त्रालयले अब कोभिड– १९ को सङ्क्रमितको उपचार सरकारी अस्पताल, स्वास्थ्य प्रतिष्ठान र मेडिकल कलेजमा मात्र गर्ने निर्णय गरेको हो । मन्त्रालयका अनुसार अब निजी अस्पतालमा कोरोना उपचारको व्यवस्थापन गरिने छैन ।
निजी अस्पताललाई कोभिड–१९ को उपचारका लागि सेवा सम्झौता भए अनुसार अस्पतालमा भर्ना भइ उपचाररत सङ्क्रमितको दश दिनसम्मको शोधभर्ना सरकारले गर्नेछ । तर, अब सङक्रमितले आफूले निजी अस्पताललाई उपचार गराउन चाहेको खण्डमा आफ्नै खर्चमा उपचार गराउन सक्नेछन्।
यसरी निजी अस्पतालमा उपचार गराउँदा सरकारले तोकेको भन्दा बढी शुल्क भने अस्पतालले लिन पाउने छैनन् । सरकारले गम्भीर प्रकृतिका बिरामीलाई दैनिक १५ हजार रुपैयाँसम्म लिएर उपचार गराउन सक्ने गरि मूल्य तोकेको छ ।