काठमाडौं । चोरी आरोपमा प्रहरीले सोमबार सार्वजनिक गरेका एक यूवाको सौखिन रुप सार्वजनिक भएको छ ।
विराटनगर प्रहरीले साढे १३ लाख रुपैयाँ चोरी गरेको आरोपमा कटहरी गाउँपालिका १ का २० वर्षका सुरज कामतलाई पक्राउ गर्यो । ति यूवा विराटनगर– १ का मोतीराज दाहालको घरबाट रकम चोरी भागेका थिए ।
यो घटना ७ साउनको हो । चोरी गरेर भोगेका कामतले नजिकै भारतीय बजार जोगबनी पुगेर १ लाख १० हजार पर्ने महंगो मोवाइल खरीद गरेको प्रहरीले जानकारी दिएको छ ।
सामान्य आर्थिक अवस्था भएका कामतको भड्किलो सोख पुरा गर्न चोरीको सहारा लिएको देखिएको छ ।
प्रहरीले कामतको साथबाट मोबाइल र करीव पाँच लाख रुपैयाँ नगद भेटिएको जानकारी दिएको छ ।
बाँकी रकम भने पाँच दिनमा उनले खर्च गरिसकेका छने । कामत लामो समयदेखि दाहालकै घरमा काम गर्ने कामदार रहेको र घरको सम्बन्धमा सबै सूचना राख्ने गर्थे ।
सोहीकारण उनलाई चारी गर्न सहज भएको देखिएको छ । पक्राउ युवामाथि थप अनुसन्धान भइरहेको प्रहरीले जानकारी दिएको छ ।