काठमाडौं । आज असार १५, नेपालमा राष्ट्रिय धान दिवसका रुपमा मनाइँदैछ । नेपाली कृषकले मानो रोपी मुरी फलाउन मिहेनतसहित खेतमा खटिन्छन् । यो दिन कृषकको सम्मानमा मनाउन शुरु गरिएको हो । परम्परागत रुपमा भने असार १५ दही च्यूरा खाने पर्वका रुपमा स्थापित छ । नेपालमा सरकारले २०६१ मंसीर २९ मा असार १५ लाई राष्ट्रिय धान दिवस घोषणा गरेको हो ।
नेपालमा जनसंख्याको दुई तिहाई हिस्सा कृषिमा आश्रित छ । राष्ट्रिय धान दिवसको अवसर पारि कर्णाली प्रदेशमा मंगलबार सार्वजनिक बिदा दिइएको छ । यस दिन सरकारले मेला उत्सव नगर्न भनेको छ । कोरोना महामारीका कारण स्वास्थ्य मापदण्ड पुर गरि कृषि कर्म गर्न भने पाइन्छ । सरकारले समेत सांकेतिक रुपमा मात्र यो दिवस मनाउँदैछ ।