अमेरिका । अमेरिकी पूर्वराष्ट्रपति डोनाल्ड ट्रम्पले फेसबुक, ट्विटर र गुगलविरुद्ध मुद्दा दर्ता गराएका छन् । उनले कम्पनीका सीईओलाई लक्षित गरि फ्लोरिडा राज्यको दक्षिणी जिल्ला मियामीको जिल्ला अदालतमा सो मुद्दा दर्ता गराएका हुन् ।
सीईओ मार्क जुरकवर्ग सहित तीनै कम्पनीका ज्याक डोर्से र सुन्दर पीचाइलाई केन्द्रित गर्दै ट्रम्पले मुद्दा हालेका हुन् । करिब ६ महिना अघि फेसबुक, ट्विटर र युट्युबले पूर्वअमेरिकी राष्ट्रपति ट्रम्पलाई प्रतिबन्ध लगाएका थिए । ट्रम्पले यो मुद्दा देशकै लागि गेम चेन्जर हुने जानकारी दिएका छन् ।
ट्रम्पले हालेको मुद्दामा गलत तरिकाले अकाउन्ट प्रतिबन्ध गरिएको कुरा उल्लेख गरिएको छ । ट्रम्पले सामाजिक सञ्जालले स्वतन्त्र रुपमा बोल्न पाउने अधिकार समेत हनन् गरेको कुरा उल्लेख गरेका छन् ।