काठमाडौं । अमेरिकाले नेपाललाई दिने भनेको कोरोना खोपको मात्रा निश्चित भएको छ । अमेरिकाले सिधै वितरण नगरी कोरोना महामारी नियन्त्रणका लागि धनी मुलुकले गरिब मुलुकलाई खोप वितरण गर्न बनाएको साझा संयन्त्र कोभ्याक्स कार्यक्रममार्फत खोप नेपाललाई दिन लागेको हो । यस्तो खोप नेपालमा १५ लाख डोज आउने भएको छ । आगामी साता काठमाडौं आइपुग्ने भएको छ । सम्भतः सोमबारसम्म खोप नेपाल आउने सम्भावना रहेको बताइएको छ ।
काठमाडौंस्थित अमेरिकी दूताबासका प्रवक्ता अन्ना रिचेलिनलाई उदृत गर्दै नेपाली संचारमाध्यमले लेखे अनुसार यसबारे छिट्टै सार्वजनिक हुनेछ । अमेरिकी कम्पनी जोन्सन एण्ड जोन्सन कम्पनीले उत्पादन गरेको यो खोप एक मात्रा लगाए पुग्छ । सोहीकारण १५ लाख डोज खोप आउँदा पनि त्यति नै मानिसमा यो खोप लगाउँदा हुनेछ ।