ढाका । बंगलादेशको एक खाद्य उद्योगमा भएको आगलागीमा कम्तिमा ५२ जना मारिएका छन् । राजधानी ढाकानजिक एउटा खाद्य प्रशोधन कारखानामा आगलागी भएको बीबीसीले जनाएको छ । त्यहाँ थुप्रै कामदार हराइरहेकाले मृतकको सङ्ख्या बढ्न सक्ने अग्निनियन्त्रकले बताएका छन् । मानिस भवनभित्रै रहेका बेला स्थानीय समयअनुसार बिहीवार राति आगलागी शुरू भएको थियो।
आगलागीको कारणबारे अहिलेसम्म स्पष्ट भएको छैन। आगो नियन्त्रणमा लिन दर्जनौँ अग्निनियन्त्रक एकाइले रातभरि प्रयास गरेका थिए। छ तले भवनमा आगलागी शुरू भएपछि ज्यान जोगाउन हाम फाल्दा कैयौँ कामदार घाइते भएको बताइएको छ ।