काठमाडौं । अर्जेण्टिना कोपा अमेरिकाको च्याम्पियन बनेको छ । चिरपरिचित प्रतिद्धन्द्धी ब्राजिललाई १-० गोल अन्तरले हराउँदै अर्जेन्टिनाले कोपा अमेरिकाको उपाधि जितेको हो । रियो दि जेनेरियोस्थित माराकाना स्टेडियममा आइतबार बिहान सम्पन्न खेलमा अर्जेन्टिनाले २८ वर्षपछि कोपा अमेरिकाको उपाधि जित्यो । अर्जेण्टिनाले यो जित कप्तान लियोनल मेसीको नाममा समर्पित गरेको छ । उनी समकालिन फुटबलमा महान खेलाडी मानिन्छन् । तर, उनले देशका लागि कुनै उपाधी नजिताएको आरोप लाग्दै आएको थियो ।
अर्जेन्टिनाको लागि खेलको २२औं मिनेटमा एन्जल डि मारियाले गरेको एक मात्र गोल निर्णायक बन्यो । त्यसपछि कुनै टिमले थाप गोल गर्न सकेनन् । सन् १९९३ मा मेक्सिकोलाई हराउँदै अर्जेन्टिनाले कोपा जितेयता २८ वर्षपछि टीमले उपाधी जितेको हो । २००४ र २००७ मा अर्जेण्टिना फाइनल पुगेको थियो । त्यसबेला दुबै पटक फाइनलमा ब्राजिलले हराएको थियो । अर्जेन्टिना २०१५ र २०१६ को फाइनलमा चिलीसँग पराजित भएको थियो । सन् २०१८ मा अर्जेण्टिनाले विश्वकप फुटबलको फाइनल पुगेर पराजित भएको थियो ।