लण्डन । इंग्ल्याण्डलाई पेनाल्टी सुटआउटमा हराएको इटलीले युरोकप २०२० माथि कब्जा जमाएको छ । सोमबार बिहान इंग्ल्याण्डको घरेलु मैदानमा भएको खेलमा निर्धारित ९० मिनेट र थपिएको ३० मिनेट समेत १-१ गोलको बराबरीमा गएपछि खेल पेनाल्टी सुटआउटमा पुगेको हो । यो खेल इटलीले ३-२ ले जित्यो । सुटआउटमा इटलीका गोलकिपर जियानलुजी डोनारुम्बाले दुई प्रहार बताए । इंग्ल्याण्डका गोलकिपर जोर्डन पिकफोर्डले पनि दुई पेनाल्टी बचाएका थिए ।
तर इंग्ल्याण्डका एक खेलाडीको प्रहार बाहिरिएको थियो । खेलको दोस्रो मिनेटमै इंग्लिस टोलीले लुक शको गोलमार्फत अग्रता लिएको थियो । ६७औं मिनेटमा लियोनार्दो बोनुचीले इटलीलाई बराबरीमा ल्याए । त्यसपछि भने गोल हुन सकेन । पेनाल्टीमा इटलीका डोमेनिको बेरार्डी, लियोनार्दो बोनुची र र फेडेरिको बर्नाडेसी गोल गरे । आन्द्रे बेलोट्टी र जर्जिन्होको पेनाल्टी इंग्लिस गोलकिपर पिकफोर्डले बचाएका हुन् ।
इंग्ल्याण्डका ह्यारी केन र ह्यारी मग्वायरको प्रहार मात्र गोलमा परिणत भयो । जाडोन सान्चो र बुकायो शाकाको बचाउ इटलीका गोलकिपर डोनारुम्बाले बचाए । मार्कुस रासफोर्डको प्रहार भने पोष्टमा लाग्यो । इटलीले १९६८ पछि पहिलो पटक यूरोपकको उपाधी जित्यो । उता, इंल्याण्ड भने पहिला पटक उपाधी जित्नबाट बन्चित भयो ।