काठमाडौं । नेकपा एमालेको कार्यदलस्तरमा भएको सहमति आइतबार राती सार्वजनिक भएलगत्तै प्रधानमन्त्रीका प्रेस सल्लाहकार सूर्य थापाले अब शेरबहादर देउवालाई १२३ जनाको मात्र समर्थन रहेको र सर्वोच्चले संसद पुनर्स्थापना र प्रधानमन्त्री नियक्तिका लागि परमादेश दिन नसक्ने भन्दै सामाजिक संजालमा लेखे । उनको यो दाविप्रति वरिष्ठ नेता माधवकुमार नेपाल भने आक्रोसित बनेका छन् । विचाराधिन मुद्दाको पेसी आज तोकिएको छ ।
सम्भवतः आजै फैसला आउने छ । यस्तो अवस्थामा अदालतलाई प्रभावमा पार्ने गरि रातारात सहमति भएको प्रचारप्रति नेपाल संन्तुष्ट थिएनन् । त्यसमाथि सूर्य थापाको कुप्रचारपछि उनी स्वयमःले मुख खोलेका छन् । नेता नेपालले पार्टीका २३ सांसदको हस्ताक्षर सर्वोच्च अदालतमा विचाराधीन मुद्दामा कायम रहेको स्पष्ट पारेका छन् । नेपालले सहमति विपरीत गलत व्याख्या भएको उल्लेख गरेका छन् ।
प्रधानमन्त्रीका केपी शर्मा ओलीका प्रेस सल्लाहकारले गलत व्याख्या गरेको र त्यो अस्वीकार्य भएको उनको भनाई छ । उनले लेखेका छन् , ‘अदालतमा विचाराधीन मुद्दालाई प्रभावित पार्ने वा अदालतको मानहानी गर्ने गरी गरिएको वा गरिने व्याख्या मान्य नहुने कुरा स्पष्ट पार्दै सर्वोच्च अदालतमा विचाराधीन मुद्दामा निवेदक रहेका नेकपा (एमाले)का २३ जना सांसदहरू सबै एकसाथ रहेको र आफ्नो मान्यता र हस्ताक्षरमा दृढ रहेको कुरा स्पष्ट पार्दछु ।’