काठमाडौं । प्रधानमन्त्री शेरबहादुर देउवा मुलुकको नेतृत्व गर्न पाँचौ पटक नियुक्त भएका छन् । उनले मंगलबार साँझ राष्ट्रपति कार्यालयमा पद तथा गोपनीयताको सपथ ग्रहण गरे । यससँगै उनले आजै ५ सदस्यीय मन्त्रिमण्डल समेत बनाए । जसमा नेपाली कांग्रेसका दुई र माओवादी केन्द्रका दुई नेताले मन्त्रिका रुपमा सपथ लिए ।
देउवाले बालकृष्ण खाँडलाई गृहमन्त्रीको जिम्मेवारी दिएका छन् । उनी देउवाका विश्वास मात्र मानिन्छन् । कांग्रेस संसदीय दलको प्रमुख सचेतक खाँड यसअघि प्रचण्ड नेतृत्वको सरकारमा रक्षामन्त्री थिए ।
कांग्रेसबाट मन्त्री बन्ने दोस्रो नेता हुन् ज्ञानेन्द्रबहादुर कार्की । उनी कानून मन्त्रि बनेका छन् । उनी यसअघि अर्थमन्त्री बनिसकेका छन् । उनकै पालामा एमसीसी सम्झौतामा भएको हो ।
नेकपा माओवादी केन्द्रबाट नेता जनार्दन शर्मा अर्थमन्त्री बनेका छन् । उनी यसअघि शान्ति तथा पुनर्निर्माण, ऊर्जा तथा गृह मन्त्री बनेर सफल कार्यकाल पुरा गरेका मन्त्री मानिन्छन् । माओवादी केन्द्रले अर्को शक्तिशाली मन्त्रालय उर्जामा नेतृ पम्फा भूसाललाई पठाएको छ । अन्य मन्त्रीको टुंगो भने सहयात्री दलहरुसँगको सहमतिमा गर्ने तयारी छ ।