काठमाडौं । कारोना भाइरसको रोकथाम र नियन्त्रणमा भइरहेका प्रयासबारे नवनियुक्त प्रधानमन्त्री शेर बहादुर देउवाले जानकारी लिएका छन् । बुधबार कोभिड १९ संकट व्यवस्थापन केन्द्र (सीसीएमसी)को बैठक डाक्दै उनले कोरोना महामारी नियन्त्रणमा लिन अहिलेसम्म भएका र भइरहेका कामबारे जानकारी लिएका हुन् । सो अवसरमा प्रधानमन्त्री देउवाले कोरोना नियन्त्रणमा केन्द्रिय हुन समेत निर्देशन दिए ।
उनले सामाजिक संजालबाट यसबारे जानकारी गराएका छन् । उनले भनेका छन्, ‘कोभिड १९ को उपचार, रोकथाम र व्यवस्थापनका बारेमा हालसम्म भएका काम कारवाहीका विषयमा कोभिड१९ संकट व्यवस्थापन केन्द्र (सीसीएमसी)सँग जानकारी लिएको छु ।’ आफुले कोरोनाको उपचार, रोकथाम र नियन्त्रणलाई अझ चुस्त र प्रभावकारी बनाउन निर्देशन गरेको समेत बताएका छन् ।