काठमाडौं । यूरोपका विभिन्न मुलुकमा आएको भिषण वर्षा र बाढीका कारण ज्यान गुमाउनेको आंकडा १२० भन्दा माथि पुगेको छ । पश्चिम युरोपका विभिन्न मुलुक बाढीको चपेटामा आएका छन् । ज्यान गुमाउनेमा ठूलो संख्या जर्मनीमा छन् । अन्तर्राष्ट्रिय संचारमाध्यमहका अनुसार बाढीले पश्चिम र दक्षिण जर्मनीमा दुई गाउँ ध्वस्त बनेका छन् । त्यहाँका सयौँ घर बगेको र अझै सयौँ सर्वसाधारण हराएका छन् । यसले मृतकको संख्या बढ्न सक्ने आंशका छ ।
बाढीको प्रभाव जर्मनीसँगै बेल्जियम, लक्जम्बर्ग र नेदरल्याण्ड्ससम्म परेको छ । जर्मनीको राइनल्यान्ड प्यालाटिनेट राज्यका १३ सय नागरिक सम्पर्कमा आएका छैनन् । उनीहरुको खोजि कार्य जारी छ । अधिकारीहरुका अनुसार पछिल्लो एक सय वर्ष यस प्रकारको बाढी त्यहाँ आएको थिएन । जर्मन चान्सलर एन्जेला मर्केलले विनासकारी बाढीबाट भएको क्षति न्यून गर्न, उद्धारमा तिब्रता र रहात बढाउन निर्देशन दिएकी छिन् ।