काठमाडौं । प्रधानमन्त्री शेरबहादुर देउवालाई विश्वासको मत दिएसँगै नेकपा एमालेका वरिष्ठ नेता माधवकुमार नेपाल सैद्धान्तिक रुपमा विजयी भएका छन् । दोस्रो तहका नेताबाट निरन्तर आएको दवावका वावजुत उनले आफ्नो समूहलाई डगमग हुन दिएनन । यसको प्रतिक्रिया उनले विश्वासको मतपछि दिए । उनले यो दिन निरंकुश प्रवृत्तिको पराजय र जनताको जित भएको प्रतिक्रिया दिए ।
नेता नेपालसहित २२ एमाले सांसदले प्रधानमन्त्री देउवालाई विश्वासको मत दिए । यद्दपी उनको मत नपाए पनि देउवाको पक्षमा बहुमत जुटेको थियो । एमालेका कुल ३१ सांसदले फ्लोर क्रस गरे । भोट नहालेका सांसद अनुपस्थित भए । देउवाको पक्षमा १६५ मत परेको छ । यो झण्डै दुई तिहाई नजिक हो ।
संसदमा एमालेका १२१ सांसदमध्ये विपक्षमा ८३ मत मात्र परेको छ । एक जना तटस्थ बसे । नेता नेपालले संसदको यो निर्णयले पटकपटक भएको प्रतिनिधिसभा विघटन गलत भएको पुष्टि भएको बताए ।
उता, आवेगमा निर्णय गर्दा भीम रावलको भने सांसद पद गुमेको छ । संसदमा घिनलाग्दो खेल भएको भन्दै आइतबार दिउँसो राजिनामाको घोषणा गरे । सांसदहरुले रोक्न खोज्दा खोज्दै पनि आवेगमा आउँदा उनले दिएको राजिनामा भने करीव औचित्यहिन भएको छ ।