काठमाडौं । काठमाडौं उपत्यकालाई लक्षित गरि आजबाट मध्यम तथा लामो दूरीका सवारी साधन खुलेका छन् । सरकारले स्वास्थ्य मापदण्ड पालना गरि लामो दूरीमा समेत यातायात चलाउन सक्ने गरि निर्णय गरेको थियो । जिल्ला प्रशासन कार्यालय काठमाडौंले शुक्रबार यसको जानकारी गराएको हो । खासगरि त्रिभुवन विश्वविद्यालय तथा लोकसेवा आयोगलगायतका निकायबाट परीक्षाका कार्यक्रम सार्वजनिक भएसँगै यातायात समेत सूचारु गर्ने निर्णय सरकारले गरेको हो ।
देशका विभिन्न जिल्लाबाट काठमाडौं आउने सवारी साधनले सहज प्रवेश पाउने भएका हुन् । यात्रु र बसका चालक तथा सहचालकले जनस्वास्थ्यका मापदण्ड अनिवार्य पालना गर्नुपर्छ । अनिवार्य टिकट नकाटि यात्रा गराउन पाइँदैन । नेपालमा मध्य वैशाखपछि यातायातका साधन बन्द छन् । यसले सर्वसाधारणमा सास्ती भने बढेको छ ।