कोरोनाबाट नेपालमा थप १६ जनाको मृत्यु

काठमाडौं । नेपालमा कोरोना भाइरसको महामारीका कारण १६ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार २४ घण्टामा उक्त संख्यामा मृत्यु भएको हो । यो अवधिमा ३,११४ जनामा कोरोनाभाइरस सङ्क्रमण पुष्टि भएको थियो । नेपालमा कोभिडका कारण १.५ प्रतिशत सङ्क्रमितको मृत्यु भएको तथ्यांक छ । कोरोनाबाट नेपालमा पहिलो लहरभन्दा दोस्रो लहरमा दोब्बर भन्दा बढीको ज्यान गएको छ । संक्रमण केही कम भएको भन्दै निषेधाज्ञा खुकुलो गरिएपछि बढेको चहलपहलका कारण संक्रमणले भने तिब्रता लिएको छ ।