काठमाडौं । सत्ता गठबन्धनले सरकारको न्यूनतम साझा कार्यक्रम सार्वजनिक गरेको छ ।
सिंहदरबारमा आयोजित कार्यक्रममा गठबन्धन कार्यदलका संयोजक पूर्णबहादुर खड्काले साझा कार्यक्रम सार्वजनिक गरेका हुन् ।
कार्यक्रममा पहिलो प्रथामिकताका कोरोनाविरुद्धको खोप राखिएको छ । कोभिड–१९ विरुद्धको असोज मसान्तभित्र एक तिहाइ चैतभित्र सबै नागरिकलाई खोप लगाउने घोषणा गरेको छ । चैत मसान्तसम्म सबैलाई खोप उपलब्ध गराउने बताएका हुन् ।
सार्वजनिक गर्ने क्रममा संकटग्रस्त उद्योगको ब्याज मिनाहा गर्ने बताइएको छ ।
भ्रष्टाचार न्यून गर्न भन्दै इ बिडिङ मोडलमा काम गर्ने रहेको छ । कृषि बीमाको व्यवस्था गरी जोखिम न्यूनिकरण गर्ने,आन्तरिक लगानीमा नै ठूला जलाशय युक्त आयोजना निर्माण गर्ने र निर्यातका लागि वैदेशिक लगानी लिने कार्यक्रम रहेको छ ।
पर्यटन क्षेत्रको विकासको लागि तत्कालै राहतका कार्यक्रम ल्याउने बताइएको छ । उत्पादन मुलक उद्योग स्थापनामा जोड दिने, आन्तरिक उत्पादनको प्रयोगमा जोड दिने नीति रहेको छ । संविधान अन्सार भूमिहिनलाई भूमि उपलब्ध गराउने रहेको छ ।
यस्तै नेपालमै कोरोना खोप उत्पादनका लागि पहल गर्ने, लिम्पियाधुरा, लिपुलेक तथा कालापानीजस्ता सीमामा देखिएका समस्या कुटनीतिक तवरबाट हल गर्ने पनि कार्यक्रममा समावेश छ।
यस्तै जसपाको मागअनुसार लाल आयोगको प्रतिवेदन सार्वजनिक गर्ने कार्यक्रम पनि समावेश छ। कार्यक्रममा प्रधानमन्त्री देउवासहित माओवादी केन्द्रका अध्यक्ष प्रचण्ड र जसपा अध्यक्ष उपेन्द्र यादवलगायतका नेताहरु सहभागी भएका थिए ।