काठमाडौं । तालिबानले सत्ता कब्जा गरेपछि अफगानिस्तानबाट फर्किएका नेपालीलाई पोलियो खोप दिइने भएको छ । अफगानिस्तानबाट नेपाल फर्किएका नेपालीलाई सोमबारबाट त्रिभुवन विमानस्थलमै पोलियो खोप दिने तयारी भएको स्वास्थ्य सेवा विभाग परिवार कल्याण तथा खोप महाशाखाले जानकारी दिएको छ ।
नेपालमा ५ वर्षमुनिका बालबालिकालाई मात्र पोलियो खोप लगाइन्छ। अफगानिस्तान पोलियो रोगको जोखिम भएको मुलुक हो । अफगानिस्तानबाट फर्किएका नेपालीमा पनि पोलियो संक्रमणको जोखिम हुने भएकाले खोप दिन लागिएको स्वास्थ्य सेवा विभाग परिवार कल्याण महाशाखाका प्रमुख डा. झलक शर्मा गौतमले बताए ।