काठमाडौं । नेपालमा मिलेनियम च्यालेन्ज कर्पोरेसन (एमसीसी) को सहायता स्वीकार गर्ने वा नगर्ने भन्ने विषयमा तिव्र विवाद छ । यसै विवादका बीच एसीसी सम्झौताका ‘विवादित विषय’बारे स्पष्ट गर्न भन्दै नेपाल सरकारले अमेरिकी सरकारलाई पत्र लेखेको छ । यस्तो पत्र अर्थ मन्त्रालयले दूतावासमार्फत अमेरिकी सरकारलाई पठाएको हो । जसमा सम्झौतामा उल्लेख रहेका केही अस्पष्ट बुँदालाई थप स्पष्ट गर्न भनिएको छ ।
सरकारले पत्रमा एमसीसी अमेरिकाको ‘इन्डो प्यासेफिक रणनीति’को अंग भए, नभएको र एमसीसी अमेरिकी सुरक्षा नीतिसँग जोडिएको, नजोडिएकोबारे स्पष्ट गर्न भनेको छ । एमसीसीकी उपाध्यक्ष फतिमा सुमार नेपालमा एमसीसी परियोजनाबारे बुझ्न आगामी साता नेपाल आउने तयारी छ । एमससी संसदमा विचाराधिन रहेको छ ।