१२६८ जनामा कोरोना पुष्टी, २१९५ निको भए

काठमाडौं । नेपालमा थप १२६८ जनामा कोरोन भाइरसको पुष्टी भएको छ । यद्दपी पछिल्लो केही सातायाता कोरोना संक्रमितको संख्या भने कम हुँदै गएको छ । शनिबार सार्वजनिक तथ्यांक अनुसार पछिल्लो २४ घण्टामा १२६८ जनामा कोरोना देखिएको हो । यो अवधिमा २१९५ मानिसले भने कोरोनालाई जित्न सफल भएका छन् । शनिबार कुल ९८७५ जनामा कोरोना परीक्षण गरिएको थियो । नेपालमा पछिल्लो २४ घण्टामा कोरोनाका कारण ९ जनाको मृत्यु भएको छ । अब देशभर सक्रिय संक्रमितको संख्या ३१८२६ रहेको छ । पछिल्लो २४ घण्टामा १ लाख ७ हजार ५ सय ९५ जनाले खोप लिएका छन् ।