काठमाडौं । मेक्सिकोमा गर्भपतनले कानूनि मान्यता पाएको छ । त्यहाँको सर्वोच्च अदालतले गर्भपतनलाई कानुनी मान्यता दिएको अन्तर्राष्ट्रिय संचारमाध्यमले जनाएका छन् । गर्भपतन अपराध नभएको ठहर गर्दै अदालतले ऐतिहासिक फैसला गरेको हो । बीबीसीका अनुसार गर्भपतन गराएकालाई अपराध गरेजस्तै गरी दण्ड दिनु असंवैधानिक हुने फैसला अदालतले गरेको हो । सर्वोच्च अदालतका न्यायाधीश लुइ मारिया याग्वीलाले यस्तो फैसला सुनाए ।
उत्तरी राज्य खोवीलासँग सम्बन्धित फैसलाले अब गर्भपतन गराएकै कारण महिलाविरुद्ध मुद्दा दायर गर्नबाट रोक्ने भएको छ। न्यायाधीश याग्वीलाले यो फैसला महिला अधिकारका दृष्टिले ऐतिहासिक भएको बताएका छन् । सर्वसम्मत गरिएको अदालतको यो फैसलापछि उत्तरी राज्य खोवीलालाई गर्भपतनलाई कानुनी मान्इता दिन बाध्य बनाउने छ। मेक्सिकोका केही राज्यमा मात्रै गर्भपतनलाई कानुनी मान्यता छ। कतिपय राज्यले अझै गर्भपतनलाई अपराधको रुपमा लिँदै आएमा यो फैसलालाई ऐतिहासिक भनिएको हो ।