युट्युबको आम्दानीमा अब एक प्रतिशत कर

काठमाडौं । नेपाल सरकारले युट्युबसहित सामाजिक संजालबाट हुने आम्दानीलाई करको दायरामा ल्याएको छ । अर्थ मन्त्री जनार्दन शर्माले प्रतिस्थापन विधेयकमा यस्तो व्यवस्था गरेका हुन् । उनका अनुसारु व्यवसाय सञ्चालनमा संलग्न नरहेको कुनै बासिन्दा प्राकृतिक व्यक्तिले नेपाल बाहिर सफ्टवेयर वा यस्तै प्रकृतिको अन्य विद्युतीय सेवा उपलब्ध गराए वा सामाजिक सञ्जालमा श्रव्यदृश्य सामग्री अपलोड गरेबापत विदेशी मुद्रामा भुक्तानी प्राप्त गरेको भए सम्बन्धित बैङ्क, वित्तीय संस्था तथा मुद्रा हस्तान्तरण (मनि ट्रान्सफर) गर्ने संस्थाले त्यस्तो भुक्तानी प्रदान गर्दा प्राप्त रकमको एक प्रतिशतका दरले अग्रिम कर असुल गर्नु पर्नेछ । यससँगै नेपालमा लामो समयदेखि बहसमा रहेको सामाजिक संजालको आम्दानी अब करको दायरामा समेटिएको हो ।