काठमाडौं । कोरोना महामारीका कारण बन्द रहेको (माउन्टेन फ्लाइट) पर्वतीय उडान पुनः शुरु भएको छ । वायुसेवा कम्पनीहरुले सगरमाथासहितका हिमाललाई नजिकबाट नियाल्न सकिने गरी आगामी शनिबारबाट माउन्टेन फ्लाइट शुरु गर्ने भएका हुन् । कोरोना महामारी कम हुँदै गएपछि बुद्ध एयरले हरेक शनिबार पर्वतीय उडान गर्ने गरी मंगलबार सूचना जारी गरेको छ ।
यति एयरलाइन्सले समेत शनिबार र आइतबार दुई दिन उडान गर्ने भएको छ । बुद्धले ९ हजार ९९९ रुपैयाँमा दुई जनाले यात्रा गर्न पाउने छन् । यतिले ८८४८ रुपैयाँमा दुई वटा टिकट जारी गर्ने भएको छ । माउन्टेन फ्लाइटमा एटीआर जहाज प्रयोग हुने भएको छ । काठमाडौं विमानस्थलबाट करीब एक घण्टाको उडानपछि जहाज त्रिभुवन विमानस्थलमा अवतरण हुने छ ।