काठमाडौं । विश्वचर्चित पाकिस्तानी क्रिकेटर शाहिद अफ्रिदी काठमाडौं आइपुगेका छन् । उनी चौथो संस्करणको एभरेष्ट प्रिमियर लिग (ईपीएल) क्रिकेटमा भाग लिन नेपाल आएका हुन् । प्रतियोगिता शनिबारबाट कीर्तिपुरस्थित टीयू मैदानमा शुरु हुँदैछ ।त्रिभुवन अन्तर्राष्ट्रिय विमानस्थलमा अफ्रिदीलाई ईपीएलका निर्देशक अमिर अख्तरले उनको स्वागत गरेका छन् । उनी काठमाडौं किंग्स इलाभेनको खेलाडीका रुपमा खेल्दैछन् ।
उनले विमानस्थलमा नेपाल र नेपालीले दिने सत्कार, सम्मान निकै राम्रो भएको प्रतिक्रिया दिँदै नेपाली क्रिकेटको सहयोगका लागि आफु आएको बताए । चौथो संस्करणको ईपीएल खेल्ने खेलाडीमध्ये उनी अहिलेसम्मकै उच्चस्तरका खेलाडी हुन् । उनले काठमाडौं किंग्स इलाभेनबाट ललितपुर प्याट्रियट्र्स र विराटनगर वारियर्सविरुद्ध खेल्ने कार्यक्रम छ । चौथो संस्करणको ईपीएल असोज २३ गतेसम्म चल्नेछ । जसमा ६ टोली उपाधीका लागि भिड्दैछन् ।