काठमाडौं । आजबाट काठमाडौं उपत्यकाबाट लामो दूरीमा चल्ने बसमा अग्रिम टिकट बुकिङ खुला भएको छ । दशैंमा काठमाडौं उपत्यकाबाट बाहिरिनेलाई लक्षित गरि टिकट बुकिङ खुलेको हो । दशैंमा घर जान इच्छुक व्यक्तिहरु बिहानैदेखि टिकट लिन गोंगबुस्थित नयाँ बसपार्क पुगेका छन् । उनीहरुलाई दुरी कायम गरी लाइनमा राखेर अग्रिम टिकट बिक्री गर्ने व्यवस्था मिलाइएको छ ।
यातायात व्यवस्था विभागले गत बिहीबार यातायात व्यवसायी, उपभोक्ता अधिकारकर्मी र ट्राफिक प्रहरीसँगको छलफलपछि असोज ११ गतेदेखि लामो दूरी चल्ने सवारीसाधनको अग्रिम टिकट बुकिङ खुलाउने निर्णय गरेसँगै सोमबारबाट टिकट काट्न थालिएको हो । कतिपय गन्तब्यमा भने अहिले पनि अनलाइनबाट टिकट काट्न सकिन्छ ।