काठमाडौं । साफ च्याम्पियनसिपको तयारीमा रहेको नेपाली फुटबल टिम बलियो टोली ओमानसँग पराजित भएको छ । गतराती कतारको दोहामा सम्पन्न मैत्रीपूर्ण खेलमा नेपाल ओमानसँग ७–२ गोल अन्तरले पराजित भएको हो । साफ च्याम्पियनसिपको तयारीकै क्रममा नेपाल र ओमान भिडेका अुन् । साफको तयारीका लागि नेपाली टिम कतारमा प्रशिक्षण गरिरहेको छ । नेपाली टिम कतारबाट साफका लागि माल्दिभ्स जाने कार्यक्रम छ ।
मुख्य प्रशिक्षक अब्दुल्लाह अलमुताईरीले आइतबार मात्र साफ खेल्ने २३ सदस्यीय टिम घोषणा गरेका छन्। नेपाल र माल्दिभ्सबीचको खेल आउँदो शुक्रवार मालेमा रहेको राष्ट्रिय फुटबल स्टेडियममा हुनेछ। त्यहा नेपालले दोस्रो खेलमा श्रीलङ्कासँग असोज १८ मा खेल्नेछ । नेपालले तेस्रो खेलमा भारतसँग असोज २४ मा खेल्नेछ । अन्तिम खेलमा बङ्गलादेशसँग २७ असोजमा खेल्नेछ। पाँच राष्ट्र सहभागी प्रतियोगिताको लिग चरणको खेलपछि शीर्ष दुई टोली उपाधि भिडन्तमा खेल्नेछन् । फाइनल असोज ३० मा हुनेछ ।