न्यूयोर्क । परराष्ट्रमन्त्री डा. नारायण खड्काले संयुक्त राष्ट्र संघको ७६ औं महासभालाई सम्बोधन गरेका छन् । सो क्रममा उनले नेपाल अन्तर्राष्ट्रिय मामलामा एक स्वतन्त्र मुलुक रहेको सन्देश दिए । उनले अफगानिस्तानमा तालिबानको आगमन आन्तरिक विषय भएको उल्लेख गरे । महासभालाई उनले मंगलबार बिहान सम्बोधन गरेका हुन् । अमेरिकाको न्यूयोर्कमा महासभा जारी छ । परराष्ट्रमन्त्री खड्काले यसअघि अफगानिस्तान मामलामा अन्य सार्क सदस्य मुलुक बोलेका छैनन् ।
मन्त्री खड्काले अफगानिस्तान, लिविया लगायत द्वन्द्वग्रस्त मुलुकको स्थायित्व नेपालले चाहेको बताए । आणविक हातहतियारको होडबाजी र आतंकवाद मानव अस्तित्वको शत्रु भएको उनको भनाई छ । उनले कोरोनाविरुद्धको खोपको असमान वितरणले न्यून आय भएका मुलुकमा आर्थिक(सामाजिक असर पारेको समेत बताए । उनले सबैले न्यायपूर्ण र समान तरिकाले खोप पाउनुपर्ने बताए । आगामी ६ महिना भित्र सबै नेपालीलाई खोप लगाउने सरकारको योजनाबारे उनले सुनाए ।