कोरोनाको खोप आविश्कार गर्नेले पाएनन् चिकित्सातर्फको नोबेल, कसलाई दिइयो ?

काठमाडौं । यस वर्षको चिकित्सातर्फको नोबेल पुरस्कार कोरोना विरुद्धको खोप आविश्कार गर्ने व्यक्ति तथा संस्थाले पाउने अपेक्षा थियो । तर, शरीर विज्ञान र चिकित्सा अन्तर्गतको नोबेल पुरस्कार डेभिड जूलियस र अर्डेम पाटापोटियनले पाएका छन् । उनीहरुले स्नायू प्रणालीले कसरी तापक्रम र स्पर्श थाहा पाउँछ भन्नेबारे खोज गरेको नोबेल एसेम्बीले जनाएको छ । यी दुई वैज्ञानिक अमेरिकी र लेबनानका हुन् । डेभिड अमेरिकी र अर्डेम लेबनानका नागरिक हुन् । गर्मी, चिसो र स्पर्श महसुस गर्ने हाम्रो क्षमता अस्तित्वका लागि आवश्यक रहेको र यसले आसपासको संसारसँगको अन्तरक्रियालाई बलियो बनाउने समेत नोबेल एसेम्बलीको भनाई छ ।