बाढी पसेको विराटनगर विमानस्थल आज पनि नचल्ने

काठमाडौं । बुधबार बाढी पसेर अवरुद्ध भएको विराटनगर विमानस्थल बिहीबार समेत नचल्ने भएको छ । नेपाल नागरिक उड्डयन प्राधिकरणले बिहीबार साढे ५ बजेसम्मका लागि विमानस्थल बन्द घोषणा गरेको छ । यसले करीव दुई दर्जन उडानमार्फत हरेक दिन यात्रा गर्ने सयौं यात्रु प्रभावित बनेका छन् । एयरलाइन्सहरुले आजका लागि निर्धारित सबै उडान रद्द भएको सूचना जारी गरिसकेका छन् । विराटनगर नेपालको व्यस्त विमानस्थलमध्ये एक हो । उता, बाढीका कारण सो विमानस्थलमा फसेका दुई जहाज समेत अड्किएका छन् । श्री एयरलाइन्सको एक र बुद्ध एयरको एउटा जहाज अहिले विराटनगर विमानस्थलमा रोकिएका छन् । विमानस्थल सूचारु नभएसम्म यी जहाज उड्ने छैनन् ।