काठमाडौं । नेकपा (एकीकृत समाजवादी) पार्टीका अध्यक्ष माधवकुमार नेपालले विगतमा आफुसँगै रहेपनि अन्तिममा धोका दिएका नेताहरुबारे व्यग्य गर्दै हरिविजोग भएको बताएका छन् । नेकपा (एमाले)लाई विभाजनबाट जोगाउन भन्दै १० बुँदै सहमति गरेका उनीहरुलाई अअिले एमालेमा अध्यक्ष ओलीसहितका नेताले पेलिरहेको समयमा नेता नेपालको यस्तो अभिव्यक्ति आएको हो ।
सिन्धुपाल्चोक(काठमाडौं सम्पर्क मञ्चको कार्यक्रममा शनिबार अध्यक्ष नेपालले १० बुँदेमा टेकेर एमालेमै बसेका नेताको हरिबिजोग भएको बताए । एमालेमा बस्न अध्यक्ष केपी शर्मा ओलीको आदेश पालनु गर्नुपर्ने नभए कुनै मर्यादा नरहने भन्दै उनले भने, ‘एमालेमा आदेश पालन गर्यो भने बस्न पाउँछ, आदेशको पालन गरेन भने कति ट्याउँ ट्याउँ गरेको ? कति ट्याउँ ट्याउँ गरेको ? १० बुँदे, भनेर सुन्नुपर्छ ।’ एमालेमा नेताहरूको मर्यादा र सम्भावना नभएको भन्दै उनले त्यो पार्टी बनाउन आफुहरुले ठूलो मिहेनत गरेको बताए ।