अन्ततः नेपाली फुटबलका मूख्य प्रशिक्षक अब्दुल्लाह अलमुताइरी नेपाल फर्कन तयार

१० कात्तिक, काठमाडौं । नेपाली राष्ट्रिय फुटबल टोलीका मुख्य प्रशिक्षक अब्दुल्लाह अलमुताइरी नयाँ सम्झौतासहित नेपाल आउने भएका छन् । कम्तीमा दुई वर्षको सम्झौता सहित नेपाल गर्कन तयार देखिएका छन् । उनले आफु नेपाल फर्कन लागेको बुधबार सामाजिक संजालमार्फत जानकारी गराएका छन् । अलमुताइरीले अखिल नेपाल फुटबल सङ्घ (एन्फा)सँग नयाँ सम्झौता गर्न सहमत भएका हुन् । एन्फाका अध्यक्ष कर्माछिरिङ शेर्पा र कतार फुटबल एसोसिएशन (क्यूएफए) पदाधिकारीसँगको भेटपछि उनी नेपाल आउन तयार भएका हुन् । उनले दुई वर्षको योजना सार्वजनिक गर्ने समेत जनाएका छन् । उनले नयाँ मिसनमा सफलताको कामना गर्दै लक्ष्य र आउँदो दुई वर्षको योजना छिट्टै प्रकाशित गर्ने उनको प्रतिवद्धता छ । नेपालमा उनी निकै लोकप्रिय छन् ।