सिंहदरबारभित्र एक राउण्ड गोली चल्यो

काठमाडौं । काठमाडौंको सिंहदरबारभित्र एक राउण्ड गोली चलेको छ । तर, गोली कसैप्रति लक्षित नभई भुलवस चलेको बताइएको छ । प्रहरीका अनुसार बुधबार दिउँसो राष्ट्रियसभाकी उपाध्यक्ष शशिकला दाहालकी पीएसओ अनुपमा भारतीले बोकेको पेस्तोलबाट गोली चलेको हो । गोली टेबुलमा लागेका कारण कसैमाथि क्षति हुन नपाएको स्रोतको भनाई छ । संसद सचिवालयमा पेस्तोलको दर्ता नम्बर टिपाउने क्रममा झुक्किएर गोली चलेको हुन सक्ने बताइएको छ । घटनाबारे अनुसन्धान भइरहेको प्रहरीको भनाई छ ।