संसद अधिवेशन अन्त्य गर्न सरकारको सिफारिस

काठमाडौं । सरकारले संसद अधिवेशन अन्त्य गर्न सिफारिस गरेको छ । बिहीबार बसेको मन्त्रिपरिषद् बैठकले शुक्रबार मध्यरातदेखि अधिवेशन अन्त्यका लागि राष्ट्रपतिसमक्ष सिफारिस गरेको हो । जारी अधिवेशन २३ भदौबाट शुरु भएको हो । यो अधिवेशनका सबै सत्रलाई प्रमुख विपक्षी नेकपा एमालेले अवरोध गरेको छ । अवरोध हुँदाहुँदै पनि सरकारले संसदबाट बजेट भने पास गरेको छ ।