प्रधानमन्त्री लण्डन ओर्लिए, आजैबाट व्यस्त

लण्डन । प्रधानमन्त्री शेरबहादुर देउवा संयुक्त अधिराज्यको राजधानी लण्डन ओर्लिएका छन् । स्टकल्याण्डको ग्लास्गो सहरमा आयोजना हुने ‘वल्र्ड लिडर समिट’मा नेपालको प्रतिनिधित्व गर्दै उनी शुक्रबार लण्डन उडेका थिए । उनी शुक्रबार राति लण्डन अवतरण गरेका हुन् । काठमाडौँबाट कतार एयरवेजको विमान चढेका उनी दोहा ट्रान्जिट गरि लण्डन पुगेका हुन् । विमानस्थलमा उनलाई नेपालका लागि सर्वदलीय संसदीय समूहका अध्यक्ष सांसद वीरेन्द्र शर्मा, बेलायतका लागि नेपालका कार्यवाहक राजदूत रोशन खनालसहितले स्वागत गरे । प्रधानमन्त्री देउवा शनिबार र आइतबार लण्डनमै रहेर विभिन्न कार्यक्रममा सहभागी हुनेछन् ।