अफगानिस्तानमा विदेशी मुद्राको प्रयोगमा प्रतिवन्ध

काबुल । अफगानिस्तानमा विदेशी मुद्रा प्रयोगमा प्रतिबन्ध लागेको छ । त्यहाँको तालिवान सरकारले विदेशी मुद्राको प्रयोगले अफगानिस्तानको अर्थतन्त्रमा नकारात्मक असर परेको भन्दै विदेशी मुद्रा प्रयोगमा प्रतिबन्ध लगाएको अन्तर्राष्ट्रिय संचारमाध्यमले लेखेका छन् । तालिबान सरकारले जारी गरेको निर्देशनात्मक सूचनामा निर्देशनलाई अटेर गरी कसैले विदेशी मुद्राको प्रयोग गरेको पाइएमा कडा कारबाही गर्ने चेतावनी दिइएको समेत समाचारमा उल्लेख छ । इस्लामिक इमिरेट्स (तालिबान)ले सबै नागरिक, व्यवसायी, व्यापारी, आम उपभोक्ताले अबदेखि विदेशी मुद्रा प्रयोग नगर्न र अनुरोधलाई बेवास्ता गरेमा कारबाही हुने सूचनामा भनिएको छ ।