त्रिभुवन विमानस्थलको गेटबाट आन्तरिक टर्मिनलसम्म नि:शुल्क बस सेवा शुरु

काठमाडौं । त्रिभुवन विमानस्थलको गेटबाट आन्तरिक टर्मिनल सम्म अब निशुल्क बस सेवा लिन सकिने भएको छ । विमानस्थल पुग्ने पैदल यात्रुलाई लक्षित गरि निशुल्क बस सेवा शुरु गरिएको हो । यो बस टर्मिनलबाट गेटसम्म आउने छ । जसमा विमानबाट झरेका यात्रुले विमानस्थलको गेटसम्म आउने सुविधा पाउने छन् । विमानस्थल भित्र ट्याक्सीले चर्को भाडा लिने गरेको गुनासोका बीच निशुल्क बस सेवा शुरु गरिएको हो । पर्यटनमन्त्री प्रेम आलेले बस सेवाको सोमबार शुभारम्भ गरेका हुन् ।