सरस्वती न्यौपाने, रसुवा
नेपाली उत्तरी हिमाली जिल्ला रसुवा प्राकृतिक सौन्दर्यले धनी जिल्ला हो । जसमध्ये साविकको थुमन गाविस वडा नम्बर ६ हालको गोसाईकुण्ड गाउँपालिका वडा नम्बर १ मा पर्ने नागथलीको सौन्दर्य बयानयोग्य छ । त्यहाँ पुग्ने हरेकले ‘जीवनमा एकपटक पुग्नै पर्ने ठाउँ हो’ भन्ने गर्दछन् ।
३ हजार १ सय ६५ मिटरको उचाईमा रहेको नागथली थुमन भन्ने एक बस्तिबाट २ घण्टाको उकालो चढेपछि पुगिन्छ । त्यसैगरी चिलिमेको तातोपानी गोङगाङवाट करिव डेढ घण्टाको उकालो चढेपछि पुगिन्छ । त्यहां पुग्ने जो कोहीले पनि स्वर्गकै टुक्रा मान्ने गर्दछन । नागथलीमा भुकम्प अगाडि दुईवटा मात्र होटल थिए भने अहिले आठ/ दस वटा नै व्यवस्थित होटलहरू रहेका छन ।
नागथली पुगिसकेपछि चारैतिर आँखैमा ठोक्किन आइपुग्ने सेता अग्ला हिमाल, हरियाली वातावरण, लहरै चौरीगाई गोठले झनै मनमोहक वनाउछन । मरेपछि स्वर्गमा पुगिन्छ भन्ने उखान त्यहाँ पुगेपछि जिउँदै स्वर्ग देखिने नागरिक समाजका अध्यक्ष बाबुलाल तामाङ बताउँछन ।नागथली नागकाो आकारमा रहेको छ ।
जिन्दगीमा एकपटक पुग्नै पर्ने ठाउँ भएकाले त्यहाँ पुगेपछि फर्कन मन लाग्दैन तामाङ सम्पदा मार्गमा पर्ने नागथलीमा थुमनवासीहरूले सामुहिक रूपमा बर्सेनि नागथली गुम्बाको पुजा गर्दै आएका छन ।यहाँ उहिले गुरु रिम्पाच्छेले तपस्या गर्न आएको र गुम्बा समेत बनाएको जनविश्वास रहेको छ ।भुकम्पले भत्काएको गुम्वा र गुरू रिम्पुच्छेको मुर्ति अहिले पुननिर्माण भईरहेको वताईएको छ ।
यस्तै नागथलीभन्दा माथि तारूच्छे भन्ने ठाउँ ३८ सय हाईटमा रहेको छ । त्यहींबाट गणेश, लाङटाङ, केरूङ, गोसाईकुण्ड हिमाल देख्न सकिन्छ । त्यहाँबाट आघा घण्टाको बाटो हिडेपछि सरस्वती कुण्ड पुगिन्छ । साथै रमाइलो तिवेत गाउँ समेत देख्न सकिन्छ ।