मणिपुर । भारतको पूर्वी राज्य मणिपुरमा आसम राइफल्सको एक सुरक्षा समूहमाथि हमला भएको छ । एम्बुस थापेर भएको यो हमलामा एक कर्णेल, उनकी पत्नी, ८ वर्षका उनका छोरा र चार जना जवानको मृत्यु भएको छ । घटना शनिवार भएको होे । भारतीय संचारमाध्यमहरुका अनुसार चरचन्दपुरमा मारिएका कर्णेल विप्लव त्रिपाठी आसम राइफल्सका कमान्डिंग अफिसर हुन् । यो हमलाको कुनै पनि संगठनले जिम्मेवारी लिएको छैन ।
घटनामा अन्य चार जवान घाइते भएका छन् । घटनापछि प्रधानमन्त्री नरेंद्र मोदी, रक्षा मंत्री राजनाथ सिंह, मणिपुरका मुख्यमंत्रीले समेत समवेदना प्रकट गरेका छन् । विपक्षी दलले भने सरकारको आलोचना गरेका छन् । कांग्रेस नेता राहुल गांधीले केन्द्र सरकारमाथि प्रश्न उठाएका छन् । उनले मोदी सरकार सुरक्षा मामलामा पूर्ण रुपमा असफल भएको बताएका छन् ।