काठमाडौं । नेपालबाट बेलायतमा १० हजार नर्सलाई रोजगारीको अवसर प्रदान गर्ने बारे तयारी भइरहेको सरकारी अधिकारीले खुलासा गरेका छन् । श्रम, रोजगार तथा समाजिक सुरक्षा मन्त्रालयले यसबारे प्रक्रिया अगाडी बढाएको हो । शुक्रबार राजधानीमा आयोजित एक अन्तरक्रिया कार्यक्रममा मन्त्रालयका सचिव सूर्यप्रसाद गौतमले यस्तो खुलासा गरेका हुन् ।
उनका अनुसार श्रमिकमैत्री समझदारीपत्रको मस्यौदा तयार गर्न शुरु बेलायत सरकारसँग छलफल थालिएको हो । बेलायतमा अनुभवी र दक्ष नर्सको आवश्यकता रहेको भन्दै त्यसका लागि तयारी शुरु गरिएको मन्त्रालयले जनाएको छ । तोकिएको तालिम पुरा गरि अनुभव समेत लिएका नर्सले बेलायतमा मासिक साढे २ लाखसम्म आम्दानी गर्न सक्ने देखिएको छ ।